xoves, 30 de novembro de 2017

"SMS" ... QUE PASA CANDO UN LÍDER VENCE A NOSA VONTADE?

Hoxe lemos o relato "SMS" de Carlos Mosteiro, incluído no volume colectivo "Historias  para ler e mirar" . Neste conto trátase sobre o poder que exercen os líderes negativos, sobre o maltrato entre iguais , sobre a violencia ... Os Atrapasoños fixeron reflexións ben interesantes sobre o seu contido.
Levaron novo marcapáxinas e  minilibro co conto impreso.

xoves, 23 de novembro de 2017

A ESENCIA DA CIDADE. Un relato contra a violencia de xénero.

                     Achégase  o día 25 de novembro, no recibidor Inés de Nieves fixo unha exposición homenaxe a todas as mulleres mortas, asasinadas .Elas, as vítimas da violencia machista, ocupan toda a nosa atención no instituto. 
A Biblioteca A Esperela súmase  a este xesto de protesta perante a inxustiza . 


Resultado de imaxes para A esencia da cidade

                  O relato escollido hoxe vai tamén nesta liña reivincativa , titúlase     " A esencia da cidade" de María Reimóndez. Trátase dun texto autobiográfico no que a autora nos fai reflexionar sobre a situación de moitas mulleres na súa relación de parella. Este relato foi posto na rede a disposición de todos os que queiran lelo; podedes descargalo aquí .







luns, 20 de novembro de 2017

UN ATRAPASOÑOS COAS NOSAS LECTURAS

Desde hoxe estará no noso recanto da biblioteca este atrapasoños. En tamaño xigante. Nel iremos pendurando minilibros , coas nosas lecturas.


xoves, 16 de novembro de 2017

A APOSTA DO TRASNO


Neste xoves, os Atrapasoños escollemos unha lenda e a súa versión en verso : O libro do que procede é unha delicia : Lendo lendas digo versos de Antonio Reigosa e Antonio García  Teijeiro.

A rapazada incluso arrincou a recitar despois da sesión de lectura! 
Como agasallo levaron cada un un atrapasoños artesanal, un marcapáxinas sobre a obra e un folleto que recolle o relato.


Cada membro do club leva un atrapasoños artesanal , o conto nun folleto e un marcapáxinas.


venres, 10 de novembro de 2017

O NOSO DISTINTIVO

Nestes días estamos a facer pequenos atrapasoños, colgantes para agasallar aos membros do club. Son o noso distintivo, o símbolo que representa o desexo de atrapar os soños por medio das lecturas. 


xoves, 9 de novembro de 2017

" SOÑAR ESPERTO"

      "Soñar esperto" é o título do conto que lemos hoxe na sesión de Atrapasoños, o noso club de lectura. 
      O conto escollido atópase na obra Que desfeita  de  Paul Jennings  e reflicte moi ben o obxectivo do noso club, atrapar soños,  o mesmo que o protagonista deste conto que ve o seu soño convertido en realidade co nacemento do seu irmán. O alumnado de 1º e 2º de ESO foi o destinatario nesta ocasión.


Todos levaron, como sempre, cadanseu marcapáxinas, para recordar a obra.