A MANCHA DE HUMIDADE ( Juana de Ibarbourou)

              Hoxe lemos o conto titulado "A mancha de humidade", da escritora  Juana de  Ibarbourou . Nel, a narradora protagonista lembra un feito que para ela simboliza a perda da infancia e dos soños, da  capacidade de fuxir da realidade ... porque “ningunha bágoa rescata o mundo que se perde nin o soño que se esvae”

DEIXAR A MATILDE ( Alberto Moravia)

   

              O relato escollido hoxe, para o noso encontro lector co alumnado de 3º e 4º de ESO, foi escrito polo italiano Alberto Moravia e exemplifica moi ben o amor adolescente ou xuvenil no que todo se vive de maneira desmesurada: as cousas boas son moi boas e as malas  moi malas.

             A balanza da   relación  entre Giulio e  Matilde "andaba moi desiquilibrada" , as dores pesaban máis que as alegrías e por iso Giulio toma a decisión de deixar a súa moza. Mais no transcurso do día  , o protagonista vai pospoñendo o momento de dicirllo e pouco a pouco vaise acentuando o seu dilema.

            Seguramente algún dos Atrapasoños se sentiu un pouco identificado con esta historia.

 Reunión na lectura presencial

Paula poñendo o minilibro no Atrapasoños da Biblioteca.

MANS ( Elsa Bornemann)

             

A sesión de Atrapasoños de hoxe estivo cheíña de tensión:

Tres amigas amiguísimas, nunha noite de treboada, teñen que quedar soas nunha casa de campo;  fóra ventea e o sistema eléctrico falla . Comezan a sentir medo e só atopan algo de acougo apertando as súas mans. Elsa Bornemann dosifica os elementos que nos causan tensión , as mans entón non son unhas mans calquera... ou si?

O conto titulado  "Mans" forma parte do libro Socorro! ( doce cuentos  para caer de miedo). A súa autora, Elsa Bornemann , é moi coñecida e valorada en Arxentina , moitas das súas obras foron reproducidas en libros de lectura para a escola e en manuais de literatura . O seu libro   "Un elefante ocupa moito espazo" foi censurado durante a última ditadura militar  e merecedor posteriormente de numerosos premios e recoñecementos. 

 Nós lemos a tradución ao galego do conto, e coma sempre repartimos exemplares do relato e marcapáxinas . 

Paula Casal, de 2º de ESO, foi a encargada de pendurar o minilibro no noso Atrapasoños.

CARTAS DE AMOR ( Fran Alonso)

O conto seleccionado para a sesión de hoxe  é o titulado "Lonxe", incluído no libro Cartas de amor  de Fran Alonso. É unha historia de amor triste que amosa as consecuencias do desarraigo, cando as persoas teñen que marchar do lugar ao que pertencen. Bárbara manda unha sentida carta desde Galicia até Uruguai, onde está o seu mozo. 

Parolando sobre o relato

                        

      

   Ao final da reunión  sorteamos  un exemplar do libro de Fran Alonso,que lle correspondeu a Denis, de 3º de ESO.  Rebeca, de 4º de ESO, foi a encargada de colocar o minilibro no Atrapasoños da biblioteca.

       

7-X ( Rosa Aneiros)

Hoxe o grupo de Atrapasoños pequenos xuntáronse para falar dun dos contos incluído no libro Contos de colonias escolares, belas adormecidas, atentados e tiburóns .

         O relato en cuestión , de Rosa Aneiros, titúlase 7-X e fai referencia aos atentados de Londres, en xullo do ano 2015, desde a perspectiva dunha rapaza árabe.  Sobre ela recae a sospeita polo feito de ser musulmá.  É vítima  por un lado das limitacións que lle impón a súa cultura ( o seu pai non quere que estude por ser muller), e por outro dos prexuízos occidentais sobre a comunidade de inmigrantes procedentes dos países árabes. 

Unha lectura interesante , sen dúbida, que pasa a formar parte do noso andel atrapasoñeiro.

 Paula e Daniela levaron un libro de agasallo

 O libro queda xa no noso andel particular

MASCULINO SINGULAR

                    Hoxe, igual que a semana pasada , a sesión de Atrapasoños estivo dedicada a Carlos Negro, nesta ocasión á súa obra Masculino singular. Os seus poemas “Baldosas”, “Toy Story” e “Cadernos Rubio” ocuparon un recanto no recibidor do instituto, ilustrando magnificamente a nosa repulsa contra a violencia machista. Na sesión de hoxe do club de lectura falamos destes poemas e doutros textos que amosan con moita claridade os roles diferenciados  que a sociedade atribúe a  homes e mulleres. Falar do sexismo, partindo dun magnífico libro, é unha das mellores maneiras de coñecer o problema e comezar a combatelo. 

Lendo uns fragmentos  durante a xuntanza 

       Paula pendurando o minilibro no noso Atrapasoños

                                   Poemas de Carlos Negro , expostos no recibidor do instituto.

PENÚLTIMAS TENDENCIAS

               

            A proximidade do día contra a violencia de xénero marca a nosa selección para as lecturas desta semana. As Atrapasoños de 1º e 2º de ESO   asistiron hoxe a una sesión dedicada a textos contra a violencia de xénero , entre os que tiveron especial protagonismo os poemas de Carlos Negro .

           

       Nesta ocasión foron as rapazas , Atrapasoños de 2º de ESO, as que estiveron a reflexionar en voz alta sobre algúns  dos  poemas lidos que poñen en cuestión os roles que sempre se lles atribúen ás mulleres . 

Carolina  foi a encargada hoxe de poñer o minilibro no noso Atrapasoños, que comeza a lucir na Esperela  coas lecturas deste curso.

MOITAS GRAZAS A TODAS

ALGUNHAS PECULIARIDADES DOS OLLOS ( Philip K. Dick)

          Minilibros e marcapáxinas para os Atrapasoños 

             “Perder a cabeza”, “falar polos cóbados”, “meter a pata”, “non ter pés nin cabeza”, “botar unha man” son algunhas das expresións  con sentido figurado que usamos para falarmos decote. Resulta sorprendente o que significarían se as interpretásemos de maneira literal. Este é precisamente o xogo que se fai no relato que lemos hoxe na sesión de Atrapasoños, titulado “Algunhas peculiaridades dos ollos”, cuxo  protagonista sospeita a presenza de extraterrestres mentres le un libro...

             O seu autor , Philip K. Dick , é un prolífico escritor de ciencia ficción estadounidense , influiu notablemente neste xénero e varias das súas novelas foron adaptadas ao cine.

 Parolando sobre o conto

Ricardo pendura o minilibro no noso atrapasoños 

ROMPER O PORQUIÑO ( Edgar Keret)

     O relato de hoxe conta a historia dun neno ao que seu pai educa para gañar co seu esforzo as cousas que quere, por iso debe aforrar cartos decote. No proceso porén, o neno non recoñece a importancia de atesourar diñeiro para mercar cousas , senón máis ben o valor da amizade e o amor que o levarán a tomar un camino distinto ao marcado polo pai.

    Etgar Keret é un dos principais escritores contemporáneos de Israel, as súas historias breves déronlle sona mundial.

Brais colocou o minilibro no Atrapasoños da biblioteca, e xa forma parte das nosas lecturas máis queridas.

ONCE ( Sandra Cisneros)

 

Hoxe comezamos  de novo a actividade dos Atrapasoños, o noso club de lectura. Foi unha grande satisfacción  ter tanta asistencia neste novo encontro na biblioteca escolar.  Na primeira sesión do curso o relato escollido foi o titulado "Once" de Sandra Cisneros, unha escritora, novelista e poeta estadounidense de ascendencia mexicana, moi coñecida polas súas obras A Casa en Mango Street e Caramelo.

O relato levounos a falar de como as persoas seguimos sendo pequenos aínda que medremos, de como hai moitos sufrimentos que pasan inadvertidos , do dano que ás veces causamos sen decatarnos… Un conto ben fermoso, si.

Igual que no curso anterior, colocamos un mini libro co relato no noso ATRAPASOÑOS XIGANTE.  Os membros do club que asistiron á sesión recibiron una carpeta cun exemplar do conto e un marcapáxinas.

     

Comezamos de novo!

Feliz reencontró, queridos Atrapasoños.  Esta semana retomaremos a actividade do club de lectura. O martes ás 10.10h. haberá una sesión informativa no primeiro recreo na que explicaremos o funcinamento do club . O xoves ás 12.10 teremos a primeira sesión de lectura, dirixida ao alumnado de 3º e 4º de ESO.

Xa estamos preparando todo con moita ilusión.

Non faltedes!